Խորվաթ պրոֆեսոր Եվա Կիրխմայեր Բիլիչը հանդիպել է Արցախի երաժշտական քոլեջի դասատուների հետ

«Մենք ենք մեր սարերը» զարգացման գործակալության նախաձեռնությամբ Զագրեբի երաժշտական ակադեմիայի պրոֆեսոր Եվա Կիրխմայեր Բիլիչը հանդիպեց Արցախի Սայաթ-Նովայի անվան պետական երաժշտական քոլեջի դասատուների հետ:

Հանդիպմանը շահագրգիռ զրույց ծավալվեց Արցախից բռնի տեղահանությունից հետո քոլեջի ուսանողների և դասատուների առջև ծառացած խնդիրների շուրջ:

Եվա Կիրխմայերը, ով 2020 թվականի պատերազմից հետո տարբեր նախաձեռնություններով հանդես է եկել ի աջակցություն Արցախի, պատրաստակամություն հայտնեց իր հայրենիքում՝ Խորվաթիայում արցախցի գործընկերների հետ համագործակցության հնարավորություններ փնտրելու և օգնելու արցախցի երաժիշտ-ուսանողներին: